Cor DirksDie Avontuure van Die Uile (5 Boeke)
R489
About
Die Uile Van Kranskop
Op 'n geheimsinnige brief wat Philip Senekal vir Hennie Pretorius in die Wiskundeklas stuur, staan in groot drukletters: "uiters geheim – wys vir niemand nie". Die brief is onderteken deur Die Groot Uil en Hennie moet hom tweede pouse by die bome agter die skietbaan ontmoet. Wat kan dit beteken? Dit is nie net Hennie wat so 'n vreemde boodskap van Die Groot Uil kry nie. Ook drie ander graad 9's Berrie du Toit, Vaatjie Botha en Jorsie Neethling kry opdragte om op 'n sekere tyd op 'n sekere plek te wees. Gou is dit duidelik dat Die Groot Uil, oftewel Philip, sy vier Kranskopse vriende – wat voortaan as Die Uile bekend sal staan – bymekaargeroep het vir die begin van 'n hele reeks onvergeetlike avonture. Diewe word gevang en boelies moet les opse...Maar sal alles vir hierdie vyf Uile ewe glad verloop? Wat gebeur as hulle onder verdenking kom en as Philip se suster skielik spoorloos verdwyn?
Die Uile En Die Rampokkers
Ons ken hulle nou reeds goed, Philip, Hennie, Jorsie, Vaatjie en Berrie, die vyf vriende wat hulleself Die Uile noem en allerhande planne beraam om in Kranskopskool reg te laat geskied, raaisels op te los en boelies behoorlik te laat les opse. In Die Uile en die Rampokkers gaan die avonture van hierdie vyftal voort, maar soos gewoonlik verloop alle planne nie ewe glad nie...
Breuk Onder Die Uile
Wat niemand ooit sou glo nie, het toe wel gebeur: 'n skeuring onder die Uile-geledere. Berrie is die een wat uit die hegte kringetjie wegbreek het. Met krieket kan hy en Philip nog saam speel sonder om werklik saam te werk. Maar toe breek die rugbyseisoen en daardie belangrike naelbyterwedstryd teen Excelsior aan. In die doodsnikke van die stryd is dit nog net Berrie se skopskoen wat die telling in Kranskop se guns kan beklink. Berrie met die pynlike gebreekte sleutelbeen en Philip wat die bal soos altyd vir hom stel...
Die Uile in Die Wildtuin
n Bosveld- en wildtuinvakansie hou vir die Uile onverwagte avonture in... Philip, Hennie, Berrie, Vaatjie en Jorsie, die vyf vriende bekend as die Uile, reken die grootste vakansieavonture wag vir hulle op 'n bosveldplaas. Toe Philip, die Groot Uil, 'n luiperd uit 'n boom plattrek, dink hulle die vakansie kan nou net rustiger raak. Maar toe besluit die vyf om Krugerwildtuin toe te gaan. En daar skuil groter uitdagings, want Josie kom per ongeluk op die spoor van drie uitgeslape skelms vir wie die sukses van hulle smokkelstreke belangriker lyk as die lewe van vyf jong seuns.
Die Uile in Die Kalahari
Die lede van die Genootskap van die Groot Uil staar nuwe, vreemde bedreigings in die gesig ...Philip Senekal, die leier van 'n vyftal vriende wat hulleself die Uile noem, oortuig sy pa om hulle almal saam te neem op 'n jagvakansie in die Kalahari. Maar die opwindende vakansie draai anders uit as wat hierdie seuns van Kranskop verwag het. Kort voor lank kruis hulle paaie met gevaarlike wilde diere en hulle moet uit verknorsings gehelp word. Wie is die geheimsinnige woestynman met sy onverstaanbare taal wat hulle elke keer help? En sal hy ook kan help wanneer die Uile deur 'n groep gevaarlike inboorlingpriesters ontvoer word?